BETONG: Industri lada di nengeri tu disikap menyana ngambi ulih nerima ubah pemansang enggau teknologi baru, ku Sapit Premier Sarawak Datuk Amar Douglas Uggah Embas.

Iya ti mega Menteri Pekara Wang Enggau Ekonomi Baru Kedua madah, Kaunsil Lada Malaysia (MPB) udah bejalaika projek pemungkal ngena aplikasyen Internet of Thing (IoT) sereta chara moden baka fertigasyen di Semengok, Kuching enggau Sarikei.

“Tuai Direktor MPB, Vincent Sawat madah ke sida udah bejalaika pengawa tu.

“Industri tu beguna endar ngagai nengeri enggau pekebun menua pesisir ti ngelama tu bepanggai ngagai komoditi ngulihka penatai pemisi,” ku iya.

Uggah bejaku munyi nya rambau aum pemberita pengudah bejadika licha Pemansang Industri Lada di Rumah Joseph Sanda di Jambu Kerampak, Layar ditu tadi.

Ku iya, teknologi baru nya deka nyadi pekara beguna ngagai industri kelebih agi ba pengeluar sereta kualiti lada ti manah.

https://suarasarawak.my/asil-lada-belipat-ngena-teknologi-baru/

Sumber : Suara Sarawak